khelani
छोटा रबरी बॉल
मजा त्याची मोठी
जिन्यावरती सोडला
कि यायचा पाठी पाठी
अंगावरती लेऊन
इंद्रधनुचे रंग
भिरभिरणारी भिंगरी
वार्यासंगे दंग
लटक्या आटपाट नगरी
लटके राजा राणी
लटक्या भातुकलीचे
लटके खाऊ, पाणी
गोल गोल फिरता भोवरा
संधान दोऱ्यासंगे बांधून
बाहुली सोबत खेळताना
सारा स्वयंपाक झाला रांधून
किती होती खेळणी
सारी माळ्यावरती पडली
तंत्रन्यानाला घाबरून
कशी कोपऱ्यामध्ये दडली
पोकेमॉनला शोधताना
सागरगोटे गेले हरवून
हायटेक जगामधले
सारे बालपण गेले बदलून
जग बदलणारेच असते
त्याची खंत काहीच नाही
तरी दोरीवाल्या गाडीची
आठवण उगाच येतच राही.
Comments
Post a Comment