Aai

किती ऐकल्या गोष्टी आणिक किती ऐकली गाणी 

सारे म्हणती महिती आईची जगात असते न्यारी 

म्हणून म्हटले शोधू जाणीव मनातली मग माझ्या 

पूर्वग्रह दूषित नसेल जी अन ती जुने ते बाजूस सारी 

जग  दिसले मज तुझ्यात पहिले 

रंग, गंध भरलेले 

तुझ्या सयीने व्यापून असती 

दिवस जे बालपणी सरलेले 

जरी दूर तरी सदैव असशी 

सोबतीस तू माझ्या 

दिसणे माझे व्याप्त खुणांनी 

अन लकबीही साऱ्या तुझ्या 

संकट समयी कधीही न चुकता 

विचार येतों  तुझा 

तूही लढलीस , लढेन मी हि 

विश्वासच असतो माझा 

अशी तेवशी सदैव अंतरी 

जसा तिमिरा मधला दिवा 

व्यक्त कराया नाते अपुले 

वेगळा मातृदिन कशाला हवा?